Google ADS

Deputetët në Maqedoni shkojnë në pushim, punës i kthehen më 9 janar

14:04 | 2 Janar 2018
Arbresh.info

Deputetët nuk do të punojnë deri në javën e ardhshme, gjegjësisht deri më 9 janar. Këtë vendim deputetët e kanë marrë në koordinim me kryeparlamentarin me ç’ka janë dakorduar të lidhin ditët dhe pas Krishtlindjeve të fillojnë me punë ku pritet të mbahen dy diskutime të komisioneve kuvendore.

Në agjendën e Kuvendit, nuk ka aktivitete deri më 15 janar, por shërbimet parlamentare informojnë se disa seanca të Komisioneve do të mbahen në periudhën prej 9 deri 12 janar, të cilat do të vendosen në mënyrë shtesë në programin e Kuvendit, përcjell Telegrafi Maqedoni.

Përndryshe, në web-faqen Kuvendit aktiviteti i vetëm i planifikuar është seanca e Komisioni për Çështje Evropiane më 15 janar, ku do të mbahet prezantim i programit dhe prioriteteve të punës së kryesimit të Bullgarisë me Këshillin e Bashkimit Evropian.

Programin para deputetëve do ta prezantojë ambasadori i Bullgarisë në Maqedoni, Ivan Velikov Petkov./Telegrafi

Shpërndaje në rrjete sociale

Lajmet më të lexuara

Të ngjashme

Foto lajm